aasman-e-yas par khoya sitara DhunDhna

āsmān-e-yās par khoyā sitāra DhūñDhnā

hai dil-e-āzurda ko chehra tumhārā DhūñDhnā

bahr-e-hastī se kahūñ ik pal zarā ik pal Thahar

ek āhista qadam bas hai kināra DhūñDhnā

is ġham-e-daurāñ kī tārīkī meñ ai jān-e-sahar

dil hamārā kho gayā hai dil hamārā DhūñDhnā

ajnabī chehroñ ke pīchhe hai chhipī rah aatmā

un nazāroñ se udhar hai ik nazāra DhūñDhnā

ai shab-e-ġham chhoḌ de dāman-sarā hai ab mujhe

niiñd se uThnā vo ḳhvābīda sharāra DhūñDhnā

ruuh par bhārī rahā bār-e-hayāt-e-sharmsār

kārvāñ meñ ab na tum ham ko dobāra DhūñDhnā

rāh-e-nau par gāmzan ai shahsavār-e-tez-rau

barg-e-gor-e-kohna meñ ik isti.āra DhūñDhnā

vo ta.alluq tujh se hai dil ko ki ai marg-e-azīz

raah meñ āñkheñ bichhā terā ishāra DhūñDhnā

aasman-e-yas par khoya sitara DhunDhna

hai dil-e-azurda ko chehra tumhaara DhunDhna

bahr-e-hasti se kahun ek pal zara ek pal Thahar

ek aahista qadam bas hai kinara DhunDhna

is gham-e-dauran ki tariki mein ai jaan-e-sahar

dil hamara kho gaya hai dil hamara DhunDhna

ajnabi chehron ke pichhe hai chhipi rah aatma

un nazaron se udhar hai ek nazara DhunDhna

ai shab-e-gham chhoD de daman-sara hai ab mujhe

nind se uThna wo KHwabida sharara DhunDhna

ruh par bhaari raha bar-e-hayat-e-sharmsar

karwan mein ab na tum hum ko dobara DhunDhna

rah-e-nau par gamzan ai shahsawar-e-tez-rau

barg-e-gor-e-kohna mein ek istiara DhunDhna

wo talluq tujh se hai dil ko ki ai marg-e-aziz

rah mein aankhen bichha tera ishaara DhunDhna