aasman gardish mein tha sari zamin chakkar mein thi
aasman gardish mein tha sari zamin chakkar mein thi
Ateeq Muzaffarpuri
MORE BYAteeq Muzaffarpuri
āsmāñ gardish meñ thā saarī zamīñ chakkar meñ thī
zalzale ke qahr kī tasvīr har manzar meñ thī
aapsī Takrāv ne āḳhir numāyāñ kar diyā
ek chingārī jo barsoñ se dabī patthar meñ thī
maiñ akelā mar rahā thā ghar mirā sunsān thā
raunaq-e-ḳhāna rafīq-e-zindagī daftar meñ thī
kar diyā thā bevgī ke karb ne garche niDhāl
jaltī-bujhtī aañch sī ik barf kī chādar meñ thī
ek hī fiqre ne saarā jism chhalnī kar diyā
dhaar aisī tanziya alfāz ke ḳhanjar meñ thī
ḳhud-numā.ī kam-libāsī sab ne mil kar chhīn lī
qātilāna ik adā jo husn ke tevar meñ thī
rok letī jo parinde ko qafas meñ ai 'atīq'
aarzū aisī na koī bhī dil-e-muztar meñ thī
aasman gardish mein tha sari zamin chakkar mein thi
zalzale ke qahr ki taswir har manzar mein thi
aapsi Takraw ne aaKHir numayan kar diya
ek chingari jo barson se dabi patthar mein thi
main akela mar raha tha ghar mera sunsan tha
raunaq-e-KHana rafiq-e-zindagi daftar mein thi
kar diya tha bewgi ke karb ne garche niDhaal
jalti-bujhti aanch si ek barf ki chadar mein thi
ek hi fiqre ne sara jism chhalni kar diya
dhaar aisi tanziya alfaz ke KHanjar mein thi
KHud-numai kam-libasi sab ne mil kar chhin li
qatilana ek ada jo husn ke tewar mein thi
rok leti jo parinde ko qafas mein ai 'atiq'
aarzu aisi na koi bhi dil-e-muztar mein thi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
