aasman ki aankh suraj chand binai bhi hai

āsmāñ kī aañkh sūraj chāñd bīnā.ī bhī hai

raushnī mere liye kyuuñ vaj.h-e-rusvā.ī bhī hai

kis ko siine se lagā.ūñ maiñ kise apnā kahūñ

sail-e-rañg-o-bū jise kahte haiñ tanhā.ī bhī hai

maslahat andesha-e-ġham ko zarā kam kar ga.ī

falsafa vo jhuuT shāmil jis meñ dānā.ī bhī hai

zahr-ālūda fazā meñ jab kalī sone lagī

ashk-e-shabnam ne kahā gulshan meñ purvā.ī bhī hai

fikr jaise ā.ina-dar-ā.ina raushan charāġh

tīrgī mere liye ehsās-e-ra.anā.ī bhī hai

munkashif hote ga.e ham-sūrat-e-sañg-e-vajūd

zindagī husn-e-adam bhī kār-farmā.ī bhī hai

sher kahne kā salīqa hai yahī ahmad-'zafar'

shā.iroñ ne baat samjhī bhī hai samjhā.ī bhī hai

aasman ki aankh suraj chand binai bhi hai

raushni mere liye kyun wajh-e-ruswai bhi hai

kis ko sine se lagaun main kise apna kahun

sail-e-rang-o-bu jise kahte hain tanhai bhi hai

maslahat andesha-e-gham ko zara kam kar gai

falsafa wo jhuT shamil jis mein danai bhi hai

zahr-aluda faza mein jab kali sone lagi

ashk-e-shabnam ne kaha gulshan mein purwai bhi hai

fikr jaise aaina-dar-aina raushan charagh

tirgi mere liye ehsas-e-ranai bhi hai

munkashif hote gae ham-surat-e-sang-e-wajud

zindagi husn-e-adam bhi kar-farmai bhi hai

sher kahne ka saliqa hai yahi ahmad-'zafar'

shairon ne baat samjhi bhi hai samjhai bhi hai