aasman ko zamin banate hain

āsmāñ ko zamīñ banāte haiñ

ham gumāñ ko yaqīñ banāte haiñ

ho jahāñ sākinān-e-shahr-e-vafā

āshiyāñ ham vahīñ banāte haiñ

mahv-e-ġhaflat haiñ ahl-e-duniyā sab

āḳhirat ahl-e-dīñ banāte haiñ

vo to ahl-e-nazar bilā-shak hai

ham jise ham-nashīñ banāte haiñ

ham nagīñ-sāz to nahīñ lekin

kañkaroñ ko nagīñ banāte haiñ

aql-o-ilm-o-hunar ke sāñche meñ

zindagī ḳhud hamīñ banāte haiñ

qātiloñ aur be-īmānoñ ko

apnā hākim nahīñ banāte

buġhz-o-kīna hasad ġhurūr-o-nifāq

aadmī ko la.iiñ banāte haiñ

fāsloñ aur sarhadoñ kī sadā

dil ke rishte qarīñ banāte haiñ

tum to 'ārif' baḌe hī ahmaq ho

ret ke ghar kahīñ banāte haiñ

aasman ko zamin banate hain

hum guman ko yaqin banate hain

ho jahan sakinan-e-shahr-e-wafa

aashiyan hum wahin banate hain

mahw-e-ghaflat hain ahl-e-duniya sab

aaKHirat ahl-e-din banate hain

wo to ahl-e-nazar bila-shak hai

hum jise ham-nashin banate hain

hum nagin-saz to nahin lekin

kankaron ko nagin banate hain

aql-o-ilm-o-hunar ke sanche mein

zindagi KHud hamin banate hain

qatilon aur be-imanon ko

apna hakim nahin banate

bughz-o-kina hasad ghurur-o-nifaq

aadmi ko lain banate hain

faslon aur sarhadon ki sada

dil ke rishte qarin banate hain

tum to 'arif' baDe hi ahmaq ho

ret ke ghar kahin banate hain