aasman par jo chand tare hain

āsmāñ par jo chāñd taare haiñ

merī aahoñ ke kuchh sharāre haiñ

hāsil-e-zindagī haiñ vo lamhāt

jo tirī bazm meñ guzāre haiñ

aap to haar kar bhī jiit ga.e

ham magar jiit kar bhī haare haiñ

kaun suntā hamārī duniyā meñ

jab taraf-dār sab tumhāre haiñ

aish-o-ishrat meñ khelne vaalo

lākhoñ insān ġham ke maare haiñ

kaun samjhegā dāstān-e-junūñ

ye to mub.ham se chand ishāre haiñ

ḳhūb-sūrat chaman meñ bhī 'ābid'

kis qadar dil-shikan nazāre haiñ

aasman par jo chand tare hain

meri aahon ke kuchh sharare hain

hasil-e-zindagi hain wo lamhat

jo teri bazm mein guzare hain

aap to haar kar bhi jit gae

hum magar jit kar bhi haare hain

kaun sunta hamari duniya mein

jab taraf-dar sab tumhaare hain

aish-o-ishrat mein khelne walo

lakhon insan gham ke mare hain

kaun samjhega dastan-e-junun

ye to mubham se chand ishaare hain

KHub-surat chaman mein bhi 'abid'

kis qadar dil-shikan nazare hain