aasman tujhse kinara kahin karna hai mujhe
āsmāñ tujh se kinārā kahīñ karnā hai mujhe
thak gayā uḌte hue aaj utarnā hai mujhe
apne zaḳhmoñ kī havā dī hai kisī sāhil ko
apne ashkoñ se samundar koī bharnā hai mujhe
chāñd kī naav huī raat ke sailāb meñ ġharq
phir se sūraj kī kiran ban ke ubharnā hai mujhe
yaad aatā hai bikhar jaanā mirī hastī kā
aur us zulf kā kahnā ki sañvarnā hai mujhe
ab ye lagtā hai ki maiñ ḳhud meñ simaT aayā huuñ
aa ke chhū le ki phir ik baar bikharnā hai mujhe
aasman tujh se kinara kahin karna hai mujhe
thak gaya uDte hue aaj utarna hai mujhe
apne zaKHmon ki hawa di hai kisi sahil ko
apne ashkon se samundar koi bharna hai mujhe
chand ki naw hui raat ke sailab mein gharq
phir se suraj ki kiran ban ke ubharna hai mujhe
yaad aata hai bikhar jaana meri hasti ka
aur us zulf ka kahna ki sanwarna hai mujhe
ab ye lagta hai ki main KHud mein simaT aaya hun
aa ke chhu le ki phir ek bar bikharna hai mujhe
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
