aasmanon ki ziya nur ke paikar KHamosh

āsmānoñ kī ziyā nuur ke paikar ḳhāmosh

tīrgī vo ki umañDtā huā lashkar ḳhāmosh

zindagī aur udhar aur udhar dekh zarā

mujh se miltā huā ik shaḳhs hai bāhar ḳhāmosh

rāsta roke khaḌe haiñ mire a.azā-e-badan

dhuup ḳhāmosh tire shahr ke patthar ḳhāmosh

dil kī be-nūr fazāoñ ko pur-anvār to kar

pheñk de ḳhema-e-jāñ meñ koī ḳhanjar ḳhāmosh

be-rahm raat kī pur-haul guzar-gāhoñ se

maiñ bhī guzrā huuñ ka.ī baar khule sar ḳhāmosh

is ḳharābe meñ bhalā dād-e-suḳhan deñ kis ko

dard uThtā hai bahut aur hai nashtar ḳhāmosh

shaam ke rang ghaTāoñ meñ ghule jaate haiñ

kohr kī dhund meñ phailā hai samundar ḳhāmosh

āḳhirī jur.a-e-pur-kaif hai baaqī 'ajmal'

āḳhirī baar dikhā de koī manzar ḳhāmosh

aasmanon ki ziya nur ke paikar KHamosh

tirgi wo ki umanDta hua lashkar KHamosh

zindagi aur udhar aur udhar dekh zara

mujh se milta hua ek shaKHs hai bahar KHamosh

rasta roke khaDe hain mere aaza-e-badan

dhup KHamosh tere shahr ke patthar KHamosh

dil ki be-nur fazaon ko pur-anwar to kar

phenk de KHema-e-jaan mein koi KHanjar KHamosh

be-rahm raat ki pur-haul guzar-gahon se

main bhi guzra hun kai bar khule sar KHamosh

is KHarabe mein bhala dad-e-suKHan den kis ko

dard uThta hai bahut aur hai nashtar KHamosh

sham ke rang ghaTaon mein ghule jate hain

kohr ki dhund mein phaila hai samundar KHamosh

aaKHiri jura-e-pur-kaif hai baqi 'ajmal'

aaKHiri bar dikha de koi manzar KHamosh