aasmanon se zamin ki taraf aate hue hum
āsmānoñ se zamīñ kī taraf aate hue ham
ek majme ke liye sher sunāte hue ham
kis gumāñ meñ haiñ tire shahr ke bhaTke hue log
dekhne vaale palaT kar nahīñ jaate hue ham
kaisī jannat ke talabgār haiñ tū jāntā hai
terī likkhī huī duniyā ko miTāte hue ham
rail dekhī hai kabhī siine pe chalne vaalī
yaad to hoñge tujhe haath hilāte hue ham
toḌ Dāleñge kisī din ghane jañgal kā ġhurūr
lakḌiyāñ chunte hue aag jalāte hue ham
tum to sardī kī hasīñ dhuup kā chehra ho jise
dekhte rahte haiñ dīvār se jaate hue ham
ḳhud ko yaad aate hī be-sāḳhta hañs paḌte haiñ
kabhī ḳhat to kabhī tasvīr jalāte hue ham
aasmanon se zamin ki taraf aate hue hum
ek majme ke liye sher sunate hue hum
kis guman mein hain tere shahr ke bhaTke hue log
dekhne wale palaT kar nahin jate hue hum
kaisi jannat ke talabgar hain tu jaanta hai
teri likkhi hui duniya ko miTate hue hum
rail dekhi hai kabhi sine pe chalne wali
yaad to honge tujhe hath hilate hue hum
toD Dalenge kisi din ghane jangal ka ghurur
lakDiyan chunte hue aag jalate hue hum
tum to sardi ki hasin dhup ka chehra ho jise
dekhte rahte hain diwar se jate hue hum
KHud ko yaad aate hi be-saKHta hans paDte hain
kabhi KHat to kabhi taswir jalate hue hum
- Book : Aakhiri Ishq Sabse Pahle Kiya (Pg. 27)
- Author : Nomaan Shauq
- Publication : Rekhta Publications (2018)
- Edition : First
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
