آستان حرم پہ لا ڈالا (ردیف .. س)

آستان حرم پہ لا ڈالا

کام کر ہی گئی بتوں سے یاس

ہم نے پایا ہے پریوں کو حیران

ہم نے دیکھا ہے گلشنوں کو اداس

اپنے ماحول پر اثر انداز

کیوں نہ مرد نکو کی ہو بو باس

دور نو راہبر نئے ڈھونڈھے

خضر ہے کام کا نہ آج الیاس

چار دیواری ایک نعمت جاں

اپنا گھر اپنے واسطے رہتاس

تازہ پانی غریب کو ہے شراب

جام جم سے نہیں کم اس کو طاس

اس عمارت نے عمر پائی طویل

راست بنیاد تھی جو صدق احساس

کھا گئی مجھ کو تیری بھوکی نگاہ

زال دنیا ترا ہو ستیاناس