aasuda-e-mata-e-karam bolte nahin

āsūda-e-matā-e-karam bolte nahīñ

ya.anī amīn-e-daulat-e-ġham bolte nahīñ

vāraftagān-e-ijz kā aalam hai dīdanī

sar hai dar-e-niyāz pe ḳham bolte nahīñ

kyuuñ bārgāh-e-nāz meñ taarī hai ḳhāmushī

kyā sākinān-e-bāġh-e-iram bolte nahīñ

shikva-tarāz jabr-e-mohabbat haiñ bul-havas

ahl-e-vafā ḳhudā kī qasam bolte nahīñ

kis din thā imtihān-e-vafā se mujhe gurez

kab Dagmagā.e mere qadam bolte nahīñ

hai sharh-e-karb-e-zīst kā ashkoñ pe inhisār

lekin ye tarjumān-e-alam bolte nahīñ

'in.ām' zulm-o-jaur musalsal ke bāvajūd

ham haiñ fidā-e-lazzat-e-ġham bolte nahīñ

aasuda-e-mata-e-karam bolte nahin

yani amin-e-daulat-e-gham bolte nahin

waraftagan-e-ijz ka aalam hai didani

sar hai dar-e-niyaz pe KHam bolte nahin

kyun bargah-e-naz mein tari hai KHamushi

kya sakinan-e-bagh-e-iram bolte nahin

shikwa-taraaz jabr-e-mohabbat hain bul-hawas

ahl-e-wafa KHuda ki qasam bolte nahin

kis din tha imtihan-e-wafa se mujhe gurez

kab Dagmagae mere qadam bolte nahin

hai sharh-e-karb-e-zist ka ashkon pe inhisar

lekin ye tarjuman-e-alam bolte nahin

'inam' zulm-o-jaur musalsal ke bawajud

hum hain fida-e-lazzat-e-gham bolte nahin