aata hai kis andaz se Tuk naz to dekho

aatā hai kis andāz se Tuk naaz to dekho

kis dhaj se qadam paḌtā hai andāz to dekho

tā.ūs-e-parī-jalva ko Thukrā ke chale hai

andāz-e-ḳhirām-e-but-e-tannāz to dekho

yak jumbish-e-lab us kī ne lākhoñ ko jilāyā

iisā ko ye qudrat thī tum e.ajāz to dekho

kartā huuñ maiñ duzdīda-nazar gar kabhī us par

nazroñ meñ parakh le hai nazar-bāz to dekho

maiñ kinga-e-arsh se par maar ke guzrā

allāh-re rasā.ī mirī parvāz to dekho

ai vaa.e ki is sa.ī par apnī kabhī us se

sāzish na huī tāla-e-nā-sāz to dekho

kyā bolne meñ us but-e-kāfir kī adā hai

shīrīñ-suḳhanī ik taraf āvāz to dekho

abtar hai ye dīvāñ to miyāñ-'mus.hafī' saarā

anjām kī kyā kahte ho āġhāz to dekho

aata hai kis andaz se Tuk naz to dekho

kis dhaj se qadam paDta hai andaz to dekho

taus-e-pari-jalwa ko Thukra ke chale hai

andaz-e-KHiram-e-but-e-tannaz to dekho

yak jumbish-e-lab us ki ne lakhon ko jilaya

isa ko ye qudrat thi tum eajaz to dekho

karta hun main duzdida-nazar gar kabhi us par

nazron mein parakh le hai nazar-baz to dekho

main kinga-e-arsh se par mar ke guzra

allah-re rasai meri parwaz to dekho

ai wae ki is sai par apni kabhi us se

sazish na hui tala-e-na-saz to dekho

kya bolne mein us but-e-kafir ki ada hai

shirin-suKHani ek taraf aawaz to dekho

abtar hai ye diwan to miyan-'mushafi' sara

anjam ki kya kahte ho aaghaz to dekho