آتا ہے یاد مجھ کو دکھتا ہے دل مرا جب

آتا ہے یاد مجھ کو دکھتا ہے دل مرا جب

اک درد دے گیا وہ مجھ سے ہوا جدا جب

کیسے ہو گفتگو پھر اے روٹھ جانے والو

آتی نہیں ہے آواز دیتا ہوں میں صدا جب

اوجھل ہوئی نظر سے اب گرد کارواں بھی

ملتا نہیں ہے ڈھونڈے تحریر نقش پا جب

آئیں گے اب نہیں وہ ہے انتظار بے کار

آنکھوں کو موندتے ہیں ہو جائے گل دیا جب

ہے حفظ ما تقدم کیا عشق کا بتاتے

مجھ کو ہوا تھا لاحق یہ مرض لا دوا جب

خوش ہوں نہیں اٹھایا احساں دوا کا میں نے

زخموں کو میں نے پایا نا قابل شفا جب

دشوار ہو گیا ہے جینا یہاں عزیزو

کیسے جیئے کئی پر جینے سے ہو خفا جب

پہلے نگاہ جادو پھر ایک تیر غمزہ

ہلکا سا مسکرائے لہرا کے میں گرا جب