aata hai yaad mujhko dukhta hai dil mera jab

aatā hai yaad mujh ko dukhtā hai dil mirā jab

ik dard de gayā vo mujh se huā judā jab

kaise ho guftugū phir ai ruuTh jaane vaalo

aatī nahīñ hai āvāz detā huuñ maiñ sadā jab

ojhal huī nazar se ab gard-e-kārvāñ bhī

miltā nahīñ hai DhūñDe tahrīr-e-naqsh-e-pā jab

ā.eñge ab nahīñ vo hai intizār bekār

āñkhoñ ko mūñdte haiñ ho jaa.e gul diyā jab

hai hifz-e-mā-taqaddum kyā 'ishq kā batāte

mujh ko huā thā lāhaq ye marz-e-lā-davā jab

ḳhush huuñ nahīñ uThāyā ehsāñ davā kā maiñ ne

zaḳhmoñ ko maiñ ne paayā nā-qābil-e-shifā jab

dushvār ho gayā hai jiinā yahāñ 'azīzo

kaise jiye koī par jiine se ho ḳhafā jab

pahle nigāh-e-jādū phir ek tīr-e-ġhamza

halkā sā muskurā.e lahrā ke maiñ girā jab

aata hai yaad mujh ko dukhta hai dil mera jab

ek dard de gaya wo mujh se hua juda jab

kaise ho guftugu phir ai ruTh jaane walo

aati nahin hai aawaz deta hun main sada jab

ojhal hui nazar se ab gard-e-karwan bhi

milta nahin hai DhunDe tahrir-e-naqsh-e-pa jab

aaenge ab nahin wo hai intizar bekar

aankhon ko mundte hain ho jae gul diya jab

hai hifz-e-ma-taqaddum kya 'ishq ka batate

mujh ko hua tha lahaq ye marz-e-la-dawa jab

KHush hun nahin uThaya ehsan dawa ka main ne

zaKHmon ko main ne paya na-qabil-e-shifa jab

dushwar ho gaya hai jina yahan 'azizo

kaise jiye koi par jine se ho KHafa jab

pahle nigah-e-jadu phir ek tir-e-ghamza

halka sa muskurae lahra ke main gira jab