aati hai bar bar yahi baat dhyan mein

aatī hai baar baar yahī baat dhyān meñ

jaane vo kis ke saath meñ hogā jahān meñ

tum jis adā se haath jhaTak kar hue judā

kangan tumhārā aaj bhī bajtā hai kaan meñ

jaise sadā.eñ de ke uThātī ho vo mujhe

āvāz terī ab bhī hai mere makān meñ

pankhe se laTkā huuñ kabhī paTrī pai huuñ paḌā

aatā hai roz-o-shab mire kyā kyā dhiyān meñ

sahrā-navard ham bhī the kis darja hijr meñ

haiñ bād-e-vasl-e-yār bhī ab tak thakān meñ

har imtihāñ se qabl ye jazba banā rahā

avval to ham hī ā.eñge is imtihān meñ

karnā muaaf ḳhāmī zabān-o-bayān kī

shā.ir huuñ pahlā urdu kā maiñ ḳhāndān meñ

aati hai bar bar yahi baat dhyan mein

jaane wo kis ke sath mein hoga jahan mein

tum jis ada se hath jhaTak kar hue juda

kangan tumhaara aaj bhi bajta hai kan mein

jaise sadaen de ke uThati ho wo mujhe

aawaz teri ab bhi hai mere makan mein

pankhe se laTka hun kabhi paTri pai hun paDa

aata hai roz-o-shab mere kya kya dhiyan mein

sahra-naward hum bhi the kis darja hijr mein

hain baad-e-wasl-e-yar bhi ab tak thakan mein

har imtihan se qabl ye jazba bana raha

awwal to hum hi aaenge is imtihan mein

karna muaf KHami zaban-o-bayan ki

shair hun pahla urdu ka main KHandan mein