آتی ہے بار بار یہی بات دھیان میں

آتی ہے بار بار یہی بات دھیان میں

جانے وہ کس کے ساتھ میں ہوگا جہان میں

تم جس ادا سے ہاتھ جھٹک کر ہوئے جدا

کنگن تمہارا آج بھی بجتا ہے کان میں

جیسے صدائیں دے کے اٹھاتی ہو وہ مجھے

آواز تیری اب بھی ہے میرے مکان میں

پنکھے سے لٹکا ہوں کبھی پٹری پے ہوں پڑا

آتا ہے روز و شب مرے کیا کیا دھیان میں

صحرا نورد ہم بھی تھے کس درجہ ہجر میں

ہیں بعد وصل یار بھی اب تک تھکان میں

ہر امتحاں سے قبل یہ جذبہ بنا رہا

اول تو ہم ہی آئیں گے اس امتحان میں

کرنا معاف خامی زبان و بیان کی

شاعر ہوں پہلا اردو کا میں خاندان میں