aati jati sans kaise tere gham se man gai

aatī jaatī saañs kaise tere ġham se man ga.ī

kyā batā.eñ zindagī ḳhud-raftagī kyuuñ ban ga.ī

baat bhī sah leñ kisī kī ab kahāñ itnā dimāġh

tum se rūThe the laḌā.ī dūsroñ se Than ga.ī

kāġhazoñ se maiñ tirā uryāñ badan dhakne lagā

jo bachā rakkhī thī ab tak vo matā-e-fan ga.ī

reza reza chāñd palkoñ kī chaTānoñ par milā

raat kaale ġham kī aise jhaaḌ kar dāman ga.ī

roz-o-shab kī ye masāfat jaane kab hogī tamām

phir havā le kar hamāre jism kā īñdhan ga.ī

aati jati sans kaise tere gham se man gai

kya bataen zindagi KHud-raftagi kyun ban gai

baat bhi sah len kisi ki ab kahan itna dimagh

tum se ruThe the laDai dusron se Than gai

kaghazon se main tera uryan badan dhakne laga

jo bacha rakkhi thi ab tak wo mata-e-fan gai

reza reza chand palkon ki chaTanon par mila

raat kale gham ki aise jhaD kar daman gai

roz-o-shab ki ye masafat jaane kab hogi tamam

phir hawa le kar hamare jism ka indhan gai