aati na agar kaam mere dar-ba-dari bhi

aatī na agar kaam mire dar-ba-darī bhī

maiñ tark na kar detā vahīñ ham-safarī bhī

hairān huuñ duniyā ke talab-gāroñ pe kyā kyā

bhātī hai bhalā kis ko nirī dard-e-sarī bhī

nairangī-e-duniyā kī ḳhabar ḳhaak ki mujh ko

ḳhālī hī nazar aatī hai botal ye bharī bhī

kyā ab bhī mirī aah sar-e-'arsh na pahuñchī

kyā phir se ga.ī saath vahī be-asarī bhī

ik maiñ hī ḳhabar-gīr nahīñ hālat-e-dil kā

halkān to rahtī hai bahut be-ḳhabarī bhī

phir jā ke kahīñ zaḳhm ginā zaḳhm barābar

āmāda huī daad pe jab baḳhiya-garī bhī

hālāñki malangoñ kī tarah ziist guzārī

aaseb kā saaya bhī rahā bad-nazarī bhī

suljhī hī nahīñ ramz-o-kināyāt kī ġhutthī

aatī hai nazar ḳhvāb meñ ḳhushkī bhī tarī bhī

masjūd-e-malā.ik to yaqīnan thā abhī tak

insān meñ hotī na agar jānvarī bhī

kyā ye bhī koī baat hai 'tāsif' ki hamesha

le jaa.e junūñ saath lagā kar vo parī bhī

aati na agar kaam mere dar-ba-dari bhi

main tark na kar deta wahin ham-safari bhi

hairan hun duniya ke talab-garon pe kya kya

bhati hai bhala kis ko niri dard-e-sari bhi

nairangi-e-duniya ki KHabar KHak ki mujh ko

KHali hi nazar aati hai botal ye bhari bhi

kya ab bhi meri aah sar-e-'arsh na pahunchi

kya phir se gai sath wahi be-asari bhi

ek main hi KHabar-gir nahin haalat-e-dil ka

halkan to rahti hai bahut be-KHabari bhi

phir ja ke kahin zaKHm gina zaKHm barabar

aamada hui dad pe jab baKHiya-gari bhi

haalanki malangon ki tarah zist guzari

aaseb ka saya bhi raha bad-nazari bhi

suljhi hi nahin ramz-o-kinayat ki ghutthi

aati hai nazar KHwab mein KHushki bhi tari bhi

masjud-e-malaik to yaqinan tha abhi tak

insan mein hoti na agar jaanwari bhi

kya ye bhi koi baat hai 'tasif' ki hamesha

le jae junun sath laga kar wo pari bhi