آتش خاموش میں جلتا رہا میں عمر بھر

آتش خاموش میں جلتا رہا میں عمر بھر

یار میرا حال دل سے اب تلک ہے بے خبر

جو غریبوں کے لہو سے کل بنایا ظالمو

حشر کو ہوگا تمہارے دوش پر وہ سیم و زر

تو نے بھیجا زندگی دے کر جہاں میں اے خدا

زیست کو پر ڈھونڈھتا پھرتا رہا میں در بدر

جانتا ہوں وہ نہیں دیتے مرے خط کا جواب

دل اچھلتا ہے مگر جو دیکھتا ہوں نامہ بر

آج پہلی بار دیکھا من ہرن وہ تو کہا

چاہتا ہوں خط لکھوں پاتا نہیں پر آب زر

خوش ہوا ہوگا خبر سن کر مرے مرنے کی وہ

یا ہوا ہوگا وہ آنچل آنسوؤں سے تر بہ تر