aatish-e-KHamosh mein jalta raha main umr bhar

ātish-e-ḳhāmosh meñ jaltā rahā maiñ 'umr bhar

yaar merā hāl-e-dil se ab talak hai be-ḳhabar

jo ġharīboñ ke lahū se kal banāyā zālimo

hashr ko hogā tumhāre dosh par vo sīm-o-zar

tū ne bhejā zindagī de kar jahāñ meñ ai ḳhudā

ziist ko par DhūñDhtā phirtā rahā maiñ dar-ba-dar

jāntā huuñ vo nahīñ dete mire ḳhat kā javāb

dil uchhaltā hai magar jo dekhtā huuñ nāma-bar

aaj pahlī baar dekhā man-haran vo to kahā

chāhtā huuñ ḳhat likhūñ paatā nahīñ par āb-e-zar

ḳhush huā hogā ḳhabar sun kar mire marne kī vo

yā huā hogā vo āñchal āñsuoñ se tar-ba-tar

aatish-e-KHamosh mein jalta raha main 'umr bhar

yar mera haal-e-dil se ab talak hai be-KHabar

jo gharibon ke lahu se kal banaya zalimo

hashr ko hoga tumhaare dosh par wo sim-o-zar

tu ne bheja zindagi de kar jahan mein ai KHuda

zist ko par DhunDhta phirta raha main dar-ba-dar

jaanta hun wo nahin dete mere KHat ka jawab

dil uchhalta hai magar jo dekhta hun nama-bar

aaj pahli bar dekha man-haran wo to kaha

chahta hun KHat likhun pata nahin par aab-e-zar

KHush hua hoga KHabar sun kar mere marne ki wo

ya hua hoga wo aanchal aansuon se tar-ba-tar