aawara sa galiyon mein jo main ghum raha hun

āvāra sā galiyoñ meñ jo maiñ ghuum rahā huuñ

zāhir hai tirī diid se mahrūm rahā huuñ

phir āñkheñ bichhā.e hue huuñ raah meñ us kī

phir har kisī rah-rav ke qadam chuum rahā huuñ

ye hai mirī bedārī-e-qalbī kī hī ik vaz.a

har-chand tirī bazm meñ maiñ jhuum rahā huuñ

ġhaddārī-e-ulfat to nahīñ hai mirā sheva

is jurm ke hī ḳhyāl se ma.asūm rahā huuñ

ḳhush-qismatī-e-ahl-e-junūñ hai mirā hissa

āsā.ish-e-duniyāvī se mahrūm rahā huuñ

maiñ bārgah-e-husn se māyūs na aatā

ġham hai vale taqdīr meñ maġhmūm rahā huuñ

huuñ kyā ki jo vo qadr bhī karte mirī 'rahbar'

ik harf huuñ aur harf bhī mauhūm rahā huuñ

aawara sa galiyon mein jo main ghum raha hun

zahir hai teri did se mahrum raha hun

phir aankhen bichhae hue hun rah mein us ki

phir har kisi rah-raw ke qadam chum raha hun

ye hai meri bedari-e-qalbi ki hi ek waza

har-chand teri bazm mein main jhum raha hun

ghaddari-e-ulfat to nahin hai mera shewa

is jurm ke hi KHyal se masum raha hun

KHush-qismati-e-ahl-e-junun hai mera hissa

aasaish-e-duniyawi se mahrum raha hun

main bargah-e-husn se mayus na aata

gham hai wale taqdir mein maghmum raha hun

hun kya ki jo wo qadr bhi karte meri 'rahbar'

ek harf hun aur harf bhi mauhum raha hun