aawaz de raha hun KHud apni qaza ko main

āvāz de rahā huuñ ḳhud apnī qazā ko maiñ

kis taur dekhtā huuñ tirī chashm-e-vā ko maiñ

allāh re husn-e-zauq-e-tamāshā ki in dinoñ

har vaqt dekhtā huuñ tire naqsh-e-pā ko maiñ

is kashmakash meñ ḳhatm huī rāh-e-zindagī

tere karam ko yaad karūñ yā jafā ko maiñ

haavī hai kā.enāt kī vus.at par azm-e-dil

ab justujū hai pā.ūñ na.e ik samā ko maiñ

kis ko ḳhabar 'kiran' hai kahāñ manzil-e-hayāt

mushkil samajh rahā huuñ abhī ibtidā ko maiñ

aawaz de raha hun KHud apni qaza ko main

kis taur dekhta hun teri chashm-e-wa ko main

allah re husn-e-zauq-e-tamasha ki in dinon

har waqt dekhta hun tere naqsh-e-pa ko main

is kashmakash mein KHatm hui rah-e-zindagi

tere karam ko yaad karun ya jafa ko main

hawi hai kaenat ki wusat par azm-e-dil

ab justuju hai paun nae ek sama ko main

kis ko KHabar 'kiran' hai kahan manzil-e-hayat

mushkil samajh raha hun abhi ibtida ko main