aaya hai waqt dost tere imtihan ka

aaya hai vaqt dost tire imtihān kā

rakhnā tū paas apne diye har bayān kā

mehmān ban ke aaya thā vo ek shaam ko

ma.alūm hai pata use mere makān kā

va.ade pe apne vo kabhī qaa.em nahīñ rahā

lagtā hai mujh ko jhūTā vo saare jahān kā

karte haiñ e.atibār zamāne ke log bhī

mīThā hai vo jahāñ meñ to apnī zabān kā

dekhā jo terā chehra mujhe pyaar ho gayā

āshiq huā huuñ maiñ tire til ke nishān kā

tujh ko nahīñ yaqīñ mirī har baat par sanam

ab kyā karūñ maiñ tere batā har gumān kā

aaya hai waqt dost tere imtihan ka

rakhna tu pas apne diye har bayan ka

mehman ban ke aaya tha wo ek sham ko

malum hai pata use mere makan ka

wade pe apne wo kabhi qaem nahin raha

lagta hai mujh ko jhuTa wo sare jahan ka

karte hain eatibar zamane ke log bhi

miTha hai wo jahan mein to apni zaban ka

dekha jo tera chehra mujhe pyar ho gaya

aashiq hua hun main tere til ke nishan ka

tujh ko nahin yaqin meri har baat par sanam

ab kya karun main tere bata har guman ka