آیا ہے وقت دوست ترے امتحان کا

آیا ہے وقت دوست ترے امتحان کا

رکھنا تو پاس اپنے دئے ہر بیان کا

مہمان بن کے آیا تھا وہ ایک شام کو

معلوم ہے پتہ اسے میرے مکان کا

وعدے پہ اپنے وہ کبھی قائم نہیں رہا

لگتا ہے مجھ کو جھوٹا وہ سارے جہان کا

کرتے ہیں اعتبار زمانے کے لوگ بھی

میٹھا ہے وہ جہاں میں تو اپنی زبان کا

دیکھا جو تیرا چہرہ مجھے پیار ہو گیا

عاشق ہوا ہوں میں ترے تل کے نشان کا

تجھ کو نہیں یقیں مری ہر بات پر صنم

اب کیا کروں میں تیرے بتا ہر گمان کا