آیا ہوں بڑی دور سے بگڑی کو بنانے

آیا ہوں بڑی دور سے بگڑی کو بنانے

بیتے ہوئے ایام کا افسانہ سنانے

مطلب نہ تری بزم سے ہے اور نہ تجھ سے

آیا ہوں فقط تشنگی ذوق بجھانے

رو دیتی تھیں آنکھیں تری کل تک مرے غم میں

کیا بات ہے کیوں آج لگے آنکھ چرانے

کیوں میری تمناؤں کو پامال کیا ہے

کیوں ترک محبت کے تراشے ہیں بہانے

کیوں عہد محبت کو فراموش کیا ہے

کیا بھول گئے تم کو وہ رنگین زمانے

تو میری طرف دیکھ میں نادان ہوں کتنا

روٹھی ہوئی تقدیر کو آیا ہوں منانے

اب کر کے جفائیں ہمیں ناشاد کرو گے

جب ہم بھی نہ ہوں گے تو بہت یاد کرو گے