ab aa bhi jao ki phir ehtimam-e-id karen

ab aa bhī jaao ki phir ehtimām-e-īd kareñ

nashāt-e-dīd se tashvīq-e-dil mazīd kareñ

shikast-e-tauba se vaa.iz ke dil ko ḳhuun kareñ

faroġh-e-bāda se zāhid ko nā-umīd kareñ

bayā ki qā.ida-e-ās.māñ badal Dāleñ

ba-naqd-e-bāda dil-o-jān-e-nau ḳharīd kareñ

ba-nām-e-sāqī-e-gulgūñ lābān-e-sīmīñ-sāq

vafūr-e-bāda se zauq-e-talab shadīd kareñ

binā-e-kuhna ke āsār munhadim kar ke

jahān-e-tāza ba-dast-e-ḳhud āfrīd kareñ

darūn-e-some.a har muqtadī ko jul de kar

ḳhud apne pīr-e-ḳharābāt kā murīd kareñ

haTā ke phir ruḳh-e-zebā se ġhairiyat kā hijāb

har ek daġhdaġha-e-dil saqar-rasīd kareñ

junūn-e-tishna-labī ko do-ātisha kar ke

aqīq-e-lab se mai-e-arġhavāñ kashīd kareñ

ab aa bhi jao ki phir ehtimam-e-id karen

nashat-e-did se tashwiq-e-dil mazid karen

shikast-e-tauba se waiz ke dil ko KHun karen

farogh-e-baada se zahid ko na-umid karen

baya ki qaida-e-asman badal Dalen

ba-naqd-e-baada dil-o-jaan-e-nau KHarid karen

ba-nam-e-saqi-e-gulgun laban-e-simin-saq

wafur-e-baada se zauq-e-talab shadid karen

bina-e-kuhna ke aasar munhadim kar ke

jahan-e-taza ba-dast-e-KHud aafrid karen

darun-e-somea har muqtadi ko jul de kar

KHud apne pir-e-KHarabaat ka murid karen

haTa ke phir ruKH-e-zeba se ghairiyat ka hijab

har ek daghdagha-e-dil saqar-rasid karen

junun-e-tishna-labi ko do-atisha kar ke

aqiq-e-lab se mai-e-arghawan kashid karen