ab aap rah-e-dil jo kushada nahin rakhte

ab aap rah-e-dil jo kushāda nahīñ rakhte

ham bhī safar-e-jāñ kā irāda nahīñ rakhte

piinā ho to ik jura-e-zahrāb bahut hai

ham tishna-dahan tohmat-e-bāda nahīñ rakhte

ashkoñ se charāġhāñ hai shab-e-zīst so vo bhī

kotāhi-e-mizhgāñ se ziyāda nahīñ rakhte

ye gard-e-rah-e-shauq hī jam jaa.e badan par

rusvā haiñ ki ham koī labāda nahīñ rakhte

har gaam pe jugnū sā chamaktā hai jo dil meñ

ham is ke sivā mish.al-e-jāda nahīñ rakhte

surḳhī nahīñ phūloñ kī to zaḳhmoñ kī shafaq hai

dāmān-e-talab ham kabhī saada nahīñ rakhte

ab aap rah-e-dil jo kushada nahin rakhte

hum bhi safar-e-jaan ka irada nahin rakhte

pina ho to ek jura-e-zahrab bahut hai

hum tishna-dahan tohmat-e-baada nahin rakhte

ashkon se charaghan hai shab-e-zist so wo bhi

kotahi-e-mizhgan se ziyaada nahin rakhte

ye gard-e-rah-e-shauq hi jam jae badan par

ruswa hain ki hum koi labaada nahin rakhte

har gam pe jugnu sa chamakta hai jo dil mein

hum is ke siwa mishal-e-jada nahin rakhte

surKHi nahin phulon ki to zaKHmon ki shafaq hai

daman-e-talab hum kabhi sada nahin rakhte