ab ai be-dard kya is ke liye irshad hota hai
ab ai be-dard kyā is ke liye irshād hotā hai
phir apnī ḳhaak se paidā dil-e-barbād hotā hai
tasavvur jab anīs-e-ḳhātir-e-nāshād hotā hai
jahān-e-dil tirī tasvīr se ābād hotā hai
asīrān-e-vafā ghabrā.eñ kyuuñ tajvīz-e-zindāñ se
yahīñ to imtihān-e-fitrat-e-āzād hotā hai
jagah miltī nahīñ jis ko shab-e-ġham mahshar-e-dil meñ
vo hañgāma lab-e-ḳhāmosh meñ ābād hotā hai
bahār aa.ī hai istiqbāl karne bāb-e-zindāñ tak
nahīñ ma.alūm 'sīmāb' aaj kaun āzād hotā hai
ab ai be-dard kya is ke liye irshad hota hai
phir apni KHak se paida dil-e-barbaad hota hai
tasawwur jab anis-e-KHatir-e-nashad hota hai
jahan-e-dil teri taswir se aabaad hota hai
asiran-e-wafa ghabraen kyun tajwiz-e-zindan se
yahin to imtihan-e-fitrat-e-azad hota hai
jagah milti nahin jis ko shab-e-gham mahshar-e-dil mein
wo hangama lab-e-KHamosh mein aabaad hota hai
bahaar aai hai istiqbaal karne bab-e-zindan tak
nahin malum 'simab' aaj kaun aazad hota hai
- Book : Intekhab-e-Sukhan(Jild-2) (Pg. 250)
- Author : Hasrat Mohani
- Publication : uttar pradesh urdu academy (1983)
- Edition : 1983
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
