ab apne aapko hairat se dekhta hun main

ab apne aap ko hairat se dekhtā huuñ maiñ

vo merā aks hai yā us kā aa.ina huuñ maiñ

ye kis maqām pe apne ko pā rahā huuñ maiñ

kahīñ pukār na uTThūñ ki ab ḳhudā huuñ maiñ

mirī navā se hai raushan charāġh-e-dair-o-haram

abad kā soz huuñ maiñ sāz-e-ibtidā huuñ maiñ

na sang-e-mīl na manzil na kārvāñ na ġhubār

vufūr-e-shauq meñ had se guzar gayā huuñ maiñ

na ab hijāb hai baaqī na qaid-e-rasm-e-hijāb

ye kis maqām pe apne ko pā rahā huuñ maiñ

mujhī se ġhaib kā aalam mujhī se husn-e-shuhūd

'ḳhalish' majāz-o-haqīqat kā aa.ina huuñ maiñ

ab apne aap ko hairat se dekhta hun main

wo mera aks hai ya us ka aaina hun main

ye kis maqam pe apne ko pa raha hun main

kahin pukar na uTThun ki ab KHuda hun main

meri nawa se hai raushan charagh-e-dair-o-haram

abad ka soz hun main saz-e-ibtida hun main

na sang-e-mil na manzil na karwan na ghubar

wufur-e-shauq mein had se guzar gaya hun main

na ab hijab hai baqi na qaid-e-rasm-e-hijab

ye kis maqam pe apne ko pa raha hun main

mujhi se ghaib ka aalam mujhi se husn-e-shuhud

'KHalish' majaz-o-haqiqat ka aaina hun main