ab dard-e-mohabbat ko ai dil minnat-kash-e-darman kaun kare

ab dard-e-mohabbat ko ai dil minnat-kash-e-darmāñ kaun kare

ḳhud apne hī hāthoñ ulfat kā barbād gulistāñ kaun kare

jab yaad kisī kī aatī hai ik barq sī lahrā jaatī hai

jab ham hī dard ke ḳhvāhāñ hoñ phir dard kā darmāñ kaun kare

is shān-e-taġhāful par āḳhir jī chhūT gayā dil TuuT gayā

jab dil hī hamārā TuuT chukā phir aap ko mehmāñ kaun kare

jab barq-e-tapāñ lahrā lahrā añgḌā.ī falak par letī ho

us vaqt nasheman kaise bane taz.īn-e-gulistāñ kaun kare

ab tark-e-sitam ke kyā ma.anī har roz nayā gul khilne do

do-chār daraḳhshāñ dāġhoñ se dil rashk-e-gulistāñ kaun kare

maqsūd hai qadr-o-qīmat bhī zebā.ish-e-husn-e-ḳhūbāñ kī

har ḳhuun ke aañsū ko lekin ab la.al-e-badaḳhshāñ kaun kare

ab yaas kā aalam taarī hai ye raat bhī ham par bhārī hai

ai 'jauhar' us ke va.adoñ par ab ziist kā sāmāñ kaun kare

ab dard-e-mohabbat ko ai dil minnat-kash-e-darman kaun kare

KHud apne hi hathon ulfat ka barbaad gulistan kaun kare

jab yaad kisi ki aati hai ek barq si lahra jati hai

jab hum hi dard ke KHwahan hon phir dard ka darman kaun kare

is shan-e-taghaful par aaKHir ji chhuT gaya dil TuT gaya

jab dil hi hamara TuT chuka phir aap ko mehman kaun kare

jab barq-e-tapan lahra lahra angDai falak par leti ho

us waqt nasheman kaise bane tazin-e-gulistan kaun kare

ab tark-e-sitam ke kya mani har roz naya gul khilne do

do-chaar daraKHshan daghon se dil rashk-e-gulistan kaun kare

maqsud hai qadr-o-qimat bhi zebaish-e-husn-e-KHuban ki

har KHun ke aansu ko lekin ab lal-e-badaKHshan kaun kare

ab yas ka aalam tari hai ye raat bhi hum par bhaari hai

ai 'jauhar' us ke wadon par ab zist ka saman kaun kare