ab ehtiram hi kahiye use ki Dar ke gae

ab ehtirām hī kahiye use ki Dar ke ga.e

tire dayār meñ saare savār utar ke ga.e

hai barg-o-bār kā girnā to qarz mausam kā

havā-e-tund parinde kahāñ shajar ke ga.e

ho shahr shahr ḳhamoshī kā kuchh sabab shāyad

magar vo shor-o-shaġhab bhī to bahr-o-bar ke ga.e

mirī hī jaan ke dushman haiñ shāhkār mire

mire ḳhilāf karishme mire hunar ke ga.e

har ik savāl kā dete haiñ saaf saaf javāb

vo kyā ga.e ki bahāne agar magar ke ga.e

kisī ke haath meñ patthar kahāñ vo sahn meñ peḌ

hamāre ahd se mausam shajar hajar ke ga.e

hameñ bhī kūcha-e-qātil kā thā chalan ma.alūm

isī liye to galī meñ tirī sañvar ke ga.e

to apne chāk-e-garebāñ kā aa gayā hai ḳhayāl

tamāshā dekhne jab log idhar-udhar ke ga.e

na ishq hai vo na ġhālib na āstāñ na vafā

usī ke saath hī qisse bhī sañg-o-sar ke ga.e

safar meñ der talak ham-safar thā ghar fārūq

nazar meñ duur talak aks bām-o-dar ke ga.e

ab ehtiram hi kahiye use ki Dar ke gae

tere dayar mein sare sawar utar ke gae

hai barg-o-bar ka girna to qarz mausam ka

hawa-e-tund parinde kahan shajar ke gae

ho shahr shahr KHamoshi ka kuchh sabab shayad

magar wo shor-o-shaghab bhi to bahr-o-bar ke gae

meri hi jaan ke dushman hain shahkar mere

mere KHilaf karishme mere hunar ke gae

har ek sawal ka dete hain saf saf jawab

wo kya gae ki bahane agar magar ke gae

kisi ke hath mein patthar kahan wo sahn mein peD

hamare ahd se mausam shajar hajar ke gae

hamein bhi kucha-e-qatil ka tha chalan malum

isi liye to gali mein teri sanwar ke gae

to apne chaak-e-gareban ka aa gaya hai KHayal

tamasha dekhne jab log idhar-udhar ke gae

na ishq hai wo na ghaalib na aastan na wafa

usi ke sath hi qisse bhi sang-o-sar ke gae

safar mein der talak ham-safar tha ghar faruq

nazar mein dur talak aks baam-o-dar ke gae