ab haqiqat lag raha hai mera afsana mujhe
ab haqīqat lag rahā hai merā afsāna mujhe
saarī duniyā kah rahī hai terā dīvāna mujhe
maiñ uThā to kaun hoñToñ se lagā.egā unheñ
muddatoñ DhūñDā kareñge jām-o-paimāna mujhe
ye mohabbat kā asar hai yā mirā dīvāna-pan
sehn-e-gulshan sā nazar aatā hai vīrāna mujhe
ai udāsī kaun sī manzil pe le aa.ī hai tū
apnā chehra bhī nazar aatā hai begāna mujhe
TuuTe paimāne shikasta jaam aur tanhā.iyāñ
apne ghar jaisā hī ab lagtā hai mai-ḳhāna mujhe
jīte-jī armān ye 'sāhil' na puurā ho sakā
mar ke shāyad hī mayassar ho tirā shāna mujhe
ab haqiqat lag raha hai mera afsana mujhe
sari duniya kah rahi hai tera diwana mujhe
main uTha to kaun honTon se lagaega unhen
muddaton DhunDa karenge jam-o-paimana mujhe
ye mohabbat ka asar hai ya mera diwana-pan
sehn-e-gulshan sa nazar aata hai virana mujhe
ai udasi kaun si manzil pe le aai hai tu
apna chehra bhi nazar aata hai begana mujhe
TuTe paimane shikasta jam aur tanhaiyan
apne ghar jaisa hi ab lagta hai mai-KHana mujhe
jite-ji arman ye 'sahil' na pura ho saka
mar ke shayad hi mayassar ho tera shana mujhe
- Book : Kirdaar (Pg. 84)
- Author : Mohammed Ali Sahil
- Publication : Voice Publication (2014)
- Edition : 2014
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
