ab hayat-e-rang-o-bu ka hausla jata raha

ab hayāt-e-rañg-o-bū kā hausla jaatā rahā

dil gayā kyā naġhma-e-sāz-e-vafā jaatā rahā

phir jhukī tere tasavvur meñ jabīn-e-bandagī

phir ḳhayāl-e-uqda-e-roz-e-jazā jaatā rahā

zindagī thī muzmahil aur mauj-e-tūfāñ kā shabāb

is kashākash meñ ḳhayāl-e-nā-ḳhudā jaatā rahā

is qadar bhaTkā hayāt-e-nau-e-insāñ kā yaqīñ

kārvāñ ko e'timād-e-rahnumā jaatā rahā

ab hayat-e-rang-o-bu ka hausla jata raha

dil gaya kya naghma-e-saz-e-wafa jata raha

phir jhuki tere tasawwur mein jabin-e-bandagi

phir KHayal-e-uqda-e-roz-e-jaza jata raha

zindagi thi muzmahil aur mauj-e-tufan ka shabab

is kashakash mein KHayal-e-na-KHuda jata raha

is qadar bhaTka hayat-e-nau-e-insan ka yaqin

karwan ko e'timad-e-rahnuma jata raha