ab ilaj-e-dil-e-bimar-e-sahar ho ki na ho

ab ilāj-e-dil-e-bīmār-e-sahar ho ki na ho

zindagī sāya-e-gesū meñ basar ho ki na ho

mujh ko rakhnā hī thā ādāb-e-mohabbat kā ḳhayāl

mere shāne pe kal us shoḳh kā sar ho ki na ho

aaj har baat mirī qaul-e-ḳhudāvandī hai

kal mirī baat pe yuuñ jumbish-e-sar ho ki na ho

jaane kis moḌ pe le aa.ī mujhe umr-e-ravāñ

sochtā huuñ ye tirī rāhguzar ho ki na ho

kyuuñ na jī bhar ke ab ashkoñ se charāġhāñ kar luuñ

yuuñ koī raat phir āñkhoñ meñ basar ho ki na ho

saa.e meñ jin ke añdheroñ ke sivā kuchh bhī nahīñ

un charāġhoñ ko bujhā dūñgā sahar ho ki na ho

mere ġham-ḳhāne meñ aate hue ummīd kī zau

pūchhtī hai ki udhar merā guzar ho ki na ho

aaj jo kahnā ho ai husn ḳhud-ārā kah le

kal tirī bazm meñ 'iqbāl'-umar ho ki na ho

ab ilaj-e-dil-e-bimar-e-sahar ho ki na ho

zindagi saya-e-gesu mein basar ho ki na ho

mujh ko rakhna hi tha aadab-e-mohabbat ka KHayal

mere shane pe kal us shoKH ka sar ho ki na ho

aaj har baat meri qaul-e-KHudawandi hai

kal meri baat pe yun jumbish-e-sar ho ki na ho

jaane kis moD pe le aai mujhe umr-e-rawan

sochta hun ye teri rahguzar ho ki na ho

kyun na ji bhar ke ab ashkon se charaghan kar lun

yun koi raat phir aankhon mein basar ho ki na ho

sae mein jin ke andheron ke siwa kuchh bhi nahin

un charaghon ko bujha dunga sahar ho ki na ho

mere gham-KHane mein aate hue ummid ki zau

puchhti hai ki udhar mera guzar ho ki na ho

aaj jo kahna ho ai husn KHud-ara kah le

kal teri bazm mein 'iqbaal'-umar ho ki na ho