aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ab jo ek hasrat-e-jawani hai

Meer Taqi Meer

ab jo ek hasrat-e-jawani hai

Meer Taqi Meer

MORE BYMeer Taqi Meer

    ab jo ik hasrat-e-javānī hai

    umr-e-rafta ye nishānī hai

    rashk-e-yūsuf hai aah vaqt-e-azīz

    'umr ik bār-e-kārvānī hai

    girya har vaqt nahīñ be-hech

    dil meñ koī ġham-e-nihānī hai

    ham qafas-zād qaidī haiñ varna

    chaman ek par-fishānī hai

    us shamshīr tez hai hamdam

    mar raheñge jo zindagānī hai

    ġham-o-ranj-o-alam niko yaañ se

    sab tumhārī mehrbānī hai

    ḳhaak thī maujzan jahāñ meñ aur

    ham ko dhokā ye thā ki paanī hai

    yaañ hue 'mīr' tum barābar ḳhaak

    vaañ vahī naaz o sargirānī hai

    ab jo ek hasrat-e-jawani hai

    umr-e-rafta ki ye nishani hai

    rashk-e-yusuf hai aah waqt-e-aziz

    'umr ek bar-e-karwani hai

    girya har waqt ka nahin be-hech

    dil mein koi gham-e-nihani hai

    hum qafas-zad qaidi hain warna

    ta chaman ek par-fishani hai

    us ki shamshir tez hai hamdam

    mar rahenge jo zindagani hai

    gham-o-ranj-o-alam niko yan se

    sab tumhaari hi mehrbani hai

    KHak thi maujzan jahan mein aur

    hum ko dhoka ye tha ki pani hai

    yan hue 'mir' tum barabar KHak

    wan wahi naz o sargirani hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now