ab jo KHwab-e-giran se jage hain

ab jo ḳhvāb-e-girāñ se jaage haiñ

paañv sar par rakhe haiñ bhāge haiñ

ḳhār-e-hasrat bhare haiñ āñkhoñ meñ

paañv meñ ḳhvāhishoñ ke taage haiñ

ḳhauf hai vasvase haiñ lekin shukr

azm-o-himmat jo apne aage haiñ

raḳht-e-ummīd hai safar kī jaañ

sāz-o-sāmāñ to kachche dhāge haiñ

tum se milnā to ik bahāna hai

ham to dar-asl ḳhud se bhāge haiñ

laag laage nahīñ lagī 'ahmad'

ham jo so.e to bhaag jaage haiñ

ab jo KHwab-e-giran se jage hain

panw sar par rakhe hain bhage hain

KHar-e-hasrat bhare hain aankhon mein

panw mein KHwahishon ke tage hain

KHauf hai waswase hain lekin shukr

azm-o-himmat jo apne aage hain

raKHt-e-ummid hai safar ki jaan

saz-o-saman to kachche dhage hain

tum se milna to ek bahana hai

hum to dar-asl KHud se bhage hain

lag lage nahin lagi 'ahmad'

hum jo soe to bhag jage hain