ab jo pairon pe hum khaDe hue hain

ab jo pairoñ pe ham khaḌe hue haiñ

ek duniyā se ham laḌe hue haiñ

dekh ham ko kahāniyāñ na sunā

ham isī shahr meñ baḌe hue haiñ

ḳhud ko barbād kar liyā ham ne

apnī zid par magar aḌe hue haiñ

koī to ham ko thāmne aa.e

koī dekhe ki ham khaḌe hue haiñ

ab jo pairon pe hum khaDe hue hain

ek duniya se hum laDe hue hain

dekh hum ko kahaniyan na suna

hum isi shahr mein baDe hue hain

KHud ko barbaad kar liya hum ne

apni zid par magar aDe hue hain

koi to hum ko thamne aae

koi dekhe ki hum khaDe hue hain