ab junun ke rat-jage KHirad mein aa gae

ab junūñ ke rat-jage ḳhirad meñ aa ga.e

saare ḳhvāb raushnī kī zad meñ aa ga.e

log pā ga.e haqīqateñ qayās meñ

ham yaqīn se gumāñ kī had meñ aa ga.e

'ilm ke murāqabe haiñ ġhair-mustanad

jehl ke munāzare sanad meñ aa ga.e

lafz-e-fat.h ke jo tarjumān the kabhī

kyuuñ simaT ke harf-e-al-madad meñ aa ga.e

ik panāh kyā malī ki husn-o-ishq ke

sab gunāh nekiyoñ kī mad meñ aa ga.e

dil kī tah meñ 'āzim' un kī yaad rah ga.ī

ġham ubhar ke mere ḳhāl-o-ḳhad meñ aa ga.e

ab junun ke rat-jage KHirad mein aa gae

sare KHwab raushni ki zad mein aa gae

log pa gae haqiqaten qayas mein

hum yaqin se guman ki had mein aa gae

'ilm ke muraqabe hain ghair-mustanad

jehl ke munazare sanad mein aa gae

lafz-e-fath ke jo tarjuman the kabhi

kyun simaT ke harf-e-al-madad mein aa gae

ek panah kya mali ki husn-o-ishq ke

sab gunah nekiyon ki mad mein aa gae

dil ki tah mein 'azim' un ki yaad rah gai

gham ubhar ke mere KHal-o-KHad mein aa gae