ab kahan jaunga uTh kar main yahin rahne de
ab kahāñ jā.ūñgā uTh kar maiñ yahīñ rahne de
vahshat-e-ḳhāna-badoshī tū kahīñ rahne de
ho ga.ī shaah ko ab maat ki maiñ kahtā rahā
are rahne de piyāde ko vahīñ rahne de
le ke jā saktā hai tū sar se mirā charḳh-e-kuhan
par mire pairoñ tale merī zamīñ rahne de
tark-e-hijrat kā irāda bhī to kar saktā hai
kaun Thahregā yahāñ dil ke makīñ rahne de
kaj-kulāhī na mujhe taḳht-nashīnī se ġharaz
sar-basar ḳhaak huuñ aur ḳhāk-nashīñ rahne de
ham ki darvesh haiñ aur ishq se matlab hai hameñ
husn ko apnī jagah chīñ-ba-jabīñ rahne de
ishq phir aur parī-zād se ahmad-'irfān'
dev patthar kā banā de na kahīñ rahne de
ab kahan jaunga uTh kar main yahin rahne de
wahshat-e-KHana-badoshi tu kahin rahne de
ho gai shah ko ab mat ki main kahta raha
are rahne de piyaade ko wahin rahne de
le ke ja sakta hai tu sar se mera charKH-e-kuhan
par mere pairon tale meri zamin rahne de
tark-e-hijrat ka irada bhi to kar sakta hai
kaun Thahrega yahan dil ke makin rahne de
kaj-kulahi na mujhe taKHt-nashini se gharaz
sar-basar KHak hun aur KHak-nashin rahne de
hum ki darwesh hain aur ishq se matlab hai hamein
husn ko apni jagah chin-ba-jabin rahne de
ishq phir aur pari-zad se ahmad-'irfan'
dew patthar ka bana de na kahin rahne de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
