اب کہاں وہ جرأت اظہار کیفی اعظمیؔ

اب کہاں وہ جرأت اظہار کیفی اعظمیؔ

ہو گیا سونا سخن دربار کیفی اعظمیؔ

رہ گیا ثانی کہاں اس کا جہان شعر میں

وقت سے تھا برسر پیکار کیفی اعظمیؔ

خاک میں شعر و سخن کے بام و در غلطاں ہوئے

کون ہے اب غازیٔ گفتار کیفی اعظمیؔ

علم و حکمت کا خسارہ کس طرح برداشت ہو

شاعری کا سست ہے بازار کیفی اعظمیؔ

شعر رستے کے مسافر اس لئے غمگیں ہیں

کٹ گئے سب پیڑ سایہ دار کیفی اعظمیؔ

کون سنتا ہے صدا ٹوٹے ہوئے دل کی عظیمؔ

کس سے جا کر میں کروں اظہار کیفی اعظمیؔ