ab kahin aur kahan KHak-basar hon tere bande ja kar
ab kahīñ aur kahāñ ḳhāk-basar hoñ tire bande jā kar
zindagī aur bhī maġhmūm lage shahr se aage jā kar
adam-ābād ke logoñ kā mizāj in dinoñ kaisā hogā
lauT aane kī tavaqqo.a ho kisī ko to vo pūchhe jā kar
maiñ ghanā peḌ huuñ aayā bhī kabhī jo mire saa.e ko zavāl
in ḳhizāoñ se bahut duur gireñge mire patte jā kar
kaT bhī sakte haiñ shab o roz mire in hī galī kūchoñ meñ
lauTnā hai tirī jānib hī agar tere nagar se jā kar
shā.erī phuul khilāne ke sivā kuchh bhī nahīñ hai to 'zafar'
baaġh hī koī lagātā ki jahāñ khelte bachche jā kar
ab kahin aur kahan KHak-basar hon tere bande ja kar
zindagi aur bhi maghmum lage shahr se aage ja kar
adam-abaad ke logon ka mizaj in dinon kaisa hoga
lauT aane ki tawaqqoa ho kisi ko to wo puchhe ja kar
main ghana peD hun aaya bhi kabhi jo mere sae ko zawal
in KHizaon se bahut dur girenge mere patte ja kar
kaT bhi sakte hain shab o roz mere in hi gali kuchon mein
lauTna hai teri jaanib hi agar tere nagar se ja kar
shaeri phul khilane ke siwa kuchh bhi nahin hai to 'zafar'
bagh hi koi lagata ki jahan khelte bachche ja kar
- Book : Mazhab e Ishq (Pg. 109)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
