ab kaun si mata-e-safar dil ke pas hai

ab kaun sī matā-e-safar dil ke paas hai

ik raushani-e-sub.h thī vo bhī udaas hai

ik ek karke faash hue jā rahe haiñ raaz

shāyad ye kā.enāt qarīn-e-qayās hai

samjhā ga.ī ye talḳhi-e-paiham firāq kī

ik muzhda-e-visāl meñ kitnī miThās hai

har chiiz aa rahī hai nazar apne ruup meñ

utrā huā fareb-e-nazar kā libās hai

ik gardish-e-davām meñ roz azal se hai

vo chashm-e-bā-ḳhabar ki jo mardum-shanās hai

fitrat kahāñ thī apnī 'tamannā.ī' shabnamī

lekin kisī kī sho.ala-nigāhī kā paas hai

ab kaun si mata-e-safar dil ke pas hai

ek raushani-e-subh thi wo bhi udas hai

ek ek karke fash hue ja rahe hain raaz

shayad ye kaenat qarin-e-qayas hai

samjha gai ye talKHi-e-paiham firaq ki

ek muzhda-e-visal mein kitni miThas hai

har chiz aa rahi hai nazar apne rup mein

utra hua fareb-e-nazar ka libas hai

ek gardish-e-dawam mein roz azal se hai

wo chashm-e-ba-KHabar ki jo mardum-shanas hai

fitrat kahan thi apni 'tamannai' shabnami

lekin kisi ki shoala-nigahi ka pas hai