ab ke hum ishq mein ujlat bhi nahin kar sakte

ab ke ham ishq meñ ujlat bhī nahīñ kar sakte

aur tire naam kī shohrat bhī nahīñ kar sakte

ek ye dil hai jo nafrat kā nahīñ hai qaa.il

aur ham tujh se mohabbat bhī nahīñ kar sakte

chāk-dāman hai magar lab pe hañsī hai taarī

kyā sitam hai ki shikāyat bhī nahīñ kar sakte

mas.ala ye hai ki jiine nahīñ detī duurī

aur ab ham tirī sohbat bhī nahīñ kar sakte

jānte haiñ ki ye raste bhī judā haiñ lekin

yaar ham ḳhud ko hidāyat bhī nahīñ kar sakte

ab 'navāz' un se maiñ imkān-e-vafā kyā rakkhūñ

jo dikhāve kī mohabbat bhī nahīñ kar sakte

ab ke hum ishq mein ujlat bhi nahin kar sakte

aur tere nam ki shohrat bhi nahin kar sakte

ek ye dil hai jo nafrat ka nahin hai qail

aur hum tujh se mohabbat bhi nahin kar sakte

chaak-daman hai magar lab pe hansi hai tari

kya sitam hai ki shikayat bhi nahin kar sakte

masala ye hai ki jine nahin deti duri

aur ab hum teri sohbat bhi nahin kar sakte

jaante hain ki ye raste bhi juda hain lekin

yar hum KHud ko hidayat bhi nahin kar sakte

ab 'nawaz' un se main imkan-e-wafa kya rakkhun

jo dikhawe ki mohabbat bhi nahin kar sakte