ab ke mausam mein koi KHwab sajaya hi nahin
ab ke mausam mein koi KHwab sajaya hi nahin
Shabana zaidi shabeen
MORE BYShabana zaidi shabeen
ab ke mausam meñ koī ḳhvāb sajāyā hī nahīñ
zard pattoñ ko havāoñ ne girāyā hī nahīñ
dekh kar jis ko Thahar jaa.eñ musāfir ke qadam
aisā manzar to koī raah meñ aayā hī nahīñ
kyuuñ tire vāste is dil meñ jagah hai varna
koī chehra mirī āñkhoñ meñ samāyā hī nahīñ
us ne bhī maañg liyā aaj mohabbat kā subūt
ek lamhe ke liye jis ko bhulāyā hī nahīñ
mujh ko tanhā.ī ne gherā hai ka.ī baar magar
us kī yādoñ ne magar saath nibhāyā hī nahīñ
jis kī ḳhushbū se mahakte mire ghar ke dar-o-bām
vaqt ne rañg koī aisā dikhāyā hī nahīñ
raushnī apne muqaddar kahāñ hogī 'shabīn'
jab diyā ham ne añdheroñ meñ jalāyā hī nahīñ
ab ke mausam mein koi KHwab sajaya hi nahin
zard patton ko hawaon ne giraya hi nahin
dekh kar jis ko Thahar jaen musafir ke qadam
aisa manzar to koi rah mein aaya hi nahin
kyun tere waste is dil mein jagah hai warna
koi chehra meri aankhon mein samaya hi nahin
us ne bhi mang liya aaj mohabbat ka subut
ek lamhe ke liye jis ko bhulaya hi nahin
mujh ko tanhai ne ghera hai kai bar magar
us ki yaadon ne magar sath nibhaya hi nahin
jis ki KHushbu se mahakte mere ghar ke dar-o-baam
waqt ne rang koi aisa dikhaya hi nahin
raushni apne muqaddar kahan hogi 'shabin'
jab diya hum ne andheron mein jalaya hi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
