ab ke suraj bhi yahan garche barahna utra

ab ke sūraj bhī yahāñ garche barahna utrā

merī dahlīz pe lekin na saverā utrā

pheñk kar mujh ko samundar meñ bahut achchhā kiyā

chand ġhotoñ se mire ḳhauf kā saaya utrā

mujh ko Daste rahe maazī ke sañpole har pal

merī yādoñ se na ab tak vo gharauñdā utrā

raushnī meñ to sabhī le ga.e sabqat lekin

andhe ġhāroñ meñ faqat maiñ hī akelā utrā

maiñ ki 'mansūr' thā sadiyoñ kā piyāsā shāyad

daar par chaḌh ke bhī har baar maiñ pyāsā utrā

ab ke suraj bhi yahan garche barahna utra

meri dahliz pe lekin na sawera utra

phenk kar mujh ko samundar mein bahut achchha kiya

chand ghoton se mere KHauf ka saya utra

mujh ko Daste rahe mazi ke sanpole har pal

meri yaadon se na ab tak wo gharaunda utra

raushni mein to sabhi le gae sabqat lekin

andhe ghaaron mein faqat main hi akela utra

main ki 'mansur' tha sadiyon ka piyasa shayad

dar par chaDh ke bhi har bar main pyasa utra