ab koi gham hi nahin hai jo rulae mujhko
ab koī ġham hī nahīñ hai jo rulā.e mujh ko
aisā mausam hī nahīñ hai jo rulā.e mujh ko
zaḳhm meñ dard nahīñ hai jo uThā.e Tīseñ
aañkh meñ nam hī nahīñ hai jo rulā.e mujh ko
chāñd nārāz nahīñ hai na sitāre haiñ ḳhafā
raat barham hī nahīñ hai jo rulā.e mujh ko
mujh meñ sab kuchh hī mukammal hai to kis baat kā dukh
kuchh kahīñ kam hī nahīñ hai jo rulā.e mujh ko
tere hoñToñ se mire zaḳhm chahak uTTheñge
ye vo marham hī nahīñ hai jo rulā.e mujh ko
ai mire ḳhvāb tū TuuTe maiñ nahīñ TūTūñgā
tujh meñ vo dam hī nahīñ hai jo rulā.e mujh ko
tere jaane pe bhī afsurda nahīñ hai koī
terā mātam hī nahīñ hai jo rulā.e mujh ko
ab koi gham hi nahin hai jo rulae mujh ko
aisa mausam hi nahin hai jo rulae mujh ko
zaKHm mein dard nahin hai jo uThae Tisen
aankh mein nam hi nahin hai jo rulae mujh ko
chand naraaz nahin hai na sitare hain KHafa
raat barham hi nahin hai jo rulae mujh ko
mujh mein sab kuchh hi mukammal hai to kis baat ka dukh
kuchh kahin kam hi nahin hai jo rulae mujh ko
tere honTon se mere zaKHm chahak uTThenge
ye wo marham hi nahin hai jo rulae mujh ko
ai mere KHwab tu TuTe main nahin TuTunga
tujh mein wo dam hi nahin hai jo rulae mujh ko
tere jaane pe bhi afsurda nahin hai koi
tera matam hi nahin hai jo rulae mujh ko
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
