ab kya gila karen ki muqaddar mein kuchh na tha
ab kyā gila kareñ ki muqaddar meñ kuchh na thā
ham ġhota-zan hue to samundar meñ kuchh na thā
dīvāna kar ga.ī tirī tasvīr kī kashish
chūmā jo paas jā ke to paikar meñ kuchh na thā
apne lahū kī aag hameñ chāTtī rahī
apne badan kā zahr thā sāġhar meñ kuchh na thā
dekhā to sab hī la.al-o-javāhar lage mujhe
parkhā jo dostoñ ko to aksar meñ kuchh na thā
sab rañg sail-e-tīrgī-e-shab se Dhal ga.e
sab raushnī ke aks the manzar meñ kuchh na thā
ab kya gila karen ki muqaddar mein kuchh na tha
hum ghota-zan hue to samundar mein kuchh na tha
diwana kar gai teri taswir ki kashish
chuma jo pas ja ke to paikar mein kuchh na tha
apne lahu ki aag hamein chaTti rahi
apne badan ka zahr tha saghar mein kuchh na tha
dekha to sab hi lal-o-jawahar lage mujhe
parkha jo doston ko to aksar mein kuchh na tha
sab rang sail-e-tirgi-e-shab se Dhal gae
sab raushni ke aks the manzar mein kuchh na tha
- Book : Ghazal Calendar-2015 (Pg. 10.07.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
