ab main payam-e-fasl-e-bahaaran ko kya karun

ab maiñ payām-e-fasl-e-bahārāñ ko kyā karūñ

dāman kahāñ se lā.ūñ garebāñ ko kyā karūñ

tāsīr-e-sozish-e-ġham-e-pinhāñ ko kyā karūñ

rañg-e-parīda-e-ruḳh-e-jānāñ ko kyā karūñ

paidā yahīñ se merā nasheman bhī ho to jaa.e

be-e'tibārī-e-ġham-e-zindāñ ko kyā karūñ

terī navāzishoñ ne bikhere hazār gul

lekin maiñ apnī tañgī-e-dāmāñ ko kyā karūñ

yuuñ to har ek dard ne baḳhshī hayāt-e-nau

maiñ fitrat-e-hayāt-e-gurezāñ ko kyā karūñ

tum kyā mile ki mil ga.iiñ saarī masarrateñ

ab ye batāo dīda-e-giryāñ ko kyā karūñ

'ehsās' kaise kaise huī thī sahar nasīb

phir aa rahī hai ab shab-e-hijrāñ ko kyā karūñ

ab main payam-e-fasl-e-bahaaran ko kya karun

daman kahan se laun gareban ko kya karun

tasir-e-sozish-e-gham-e-pinhan ko kya karun

rang-e-parida-e-ruKH-e-jaanan ko kya karun

paida yahin se mera nasheman bhi ho to jae

be-e'tibari-e-gham-e-zindan ko kya karun

teri nawazishon ne bikhere hazar gul

lekin main apni tangi-e-daman ko kya karun

yun to har ek dard ne baKHshi hayat-e-nau

main fitrat-e-hayat-e-gurezan ko kya karun

tum kya mile ki mil gain sari masarraten

ab ye batao dida-e-giryan ko kya karun

'ehsas' kaise kaise hui thi sahar nasib

phir aa rahi hai ab shab-e-hijran ko kya karun