ab main samjha ki fareb-e-shab-e-wa’da kya hai

ab maiñ samjhā ki fareb-e-shab-e-vā’da kyā hai

dil dhaḌakne kī sadā hai tirā aanā kyā hai

bazm-e-'ālam hai mire husn-e-nazar kā e'jāz

merī āñkhoñ kā tasarruf hai ye duniyā kyā hai

maiñ kahāñ aur kahāñ bāda-o-sāġhar se gurez

tujh se ik chheḌ hai saaqī mirī tauba kyā hai

tū agar 'arsh kī ḳhalvat ke liye hai mahdūd

ye tirā chāñdnī rātoñ meñ nikharnā kyā hai

nigah-e-shauq kī jur.at pe bigaḌne vaale

tū hī ḳhud soch ki jalvoñ kā taqāzā kyā hai

un ke jalve hī jo mā.il-ba-numā.ish hoñ to hoñ

varna maiñ kyā huuñ mirā zauq-e-tamāshā kyā hai

ab main samjha ki fareb-e-shab-e-wa’da kya hai

dil dhaDakne ki sada hai tera aana kya hai

bazm-e-'alam hai mere husn-e-nazar ka e'jaz

meri aankhon ka tasarruf hai ye duniya kya hai

main kahan aur kahan baada-o-saghar se gurez

tujh se ek chheD hai saqi meri tauba kya hai

tu agar 'arsh ki KHalwat ke liye hai mahdud

ye tera chandni raaton mein nikharna kya hai

nigah-e-shauq ki jurat pe bigaDne wale

tu hi KHud soch ki jalwon ka taqaza kya hai

un ke jalwe hi jo mail-ba-numaish hon to hon

warna main kya hun mera zauq-e-tamasha kya hai