اب مسافر کو نیا کوئی ٹھکانہ چاہیے

اب مسافر کو نیا کوئی ٹھکانہ چاہیے

اب تو غیرت کے لیے کوئی خزانہ چاہیے

حاکموں کے حکم پر چلنا نہیں ہے زندگی

اپنی مرضی سے بھی جینے کا زمانہ چاہیے

بزم غم میں روشنی کی بات کرنا جرم ہے

اب تو سائے میں بھی رہنے کا بہانہ چاہیے

سرکشی کے دور میں دنیا یہاں پر قید ہے

اس سے بچنے کے لیے ہم کو ٹھکانہ چاہیے

جس کو اپنا مان کر رکھا تھا دل کا رازدار

آج وہ کہتا ہے مجھ کو بھی فسانہ چاہیے

دوستوں سے اب ہیں مظہرؔ دوریاں ہی دوریاں

دوست ہیں سارے کوئی اپنا یگانہ چاہیے