ab na badlega koi karwaT jahan mere liye

ab na badlegā koī karvaT jahāñ mere liye

maut hogī bā.is-e-taskīn-e-jāñ mere liye

mere dil meñ ḳhud hai ek dariyā-e-ātish maujzan

āsmāñ pālegā kyā tū bijliyāñ mere liye

ek Tahnī bhī na chhoḌī barq ne gulzār meñ

āshiyāñ koī banā.e bhī kahāñ mere liye

sāqiyā behtar hai terī is mai-e-gul-rañg se

merī chashm-e-ġham kā jām-e-arġhavāñ mere liye

jo mazā ashkoñ ke piine meñ hai vo is meñ kahāñ

hai har ik qatra hayāt-e-jāvidāñ mere liye

ab na badlega koi karwaT jahan mere liye

maut hogi bais-e-taskin-e-jaan mere liye

mere dil mein KHud hai ek dariya-e-atish maujzan

aasman palega kya tu bijliyan mere liye

ek Tahni bhi na chhoDi barq ne gulzar mein

aashiyan koi banae bhi kahan mere liye

saqiya behtar hai teri is mai-e-gul-rang se

meri chashm-e-gham ka jam-e-arghawan mere liye

jo maza ashkon ke pine mein hai wo is mein kahan

hai har ek qatra hayat-e-jawidan mere liye